Owabaire MP wa Erute North, Angiro yaafeera omuri butandu.

N’ebya Omushaki weitu

LIRA 

Charles Angiro Gutomoi, owabaireho omuny’ishengyero wa Erute North omu disiturikiti eya Lira, yaafeera omuri butandu y’ahanguuto omu kasheeshe k’eriizooba.

Angiro ow’ekigombe ekya FDC akabaho omuny’ishengyero omu Paramenti ya 8 n’eya 10.

Butandu egi yaaba ahari Olwiyo aha ruguuto orwa Nwoya-Pakwach omu disiturikiti eya Nwoya omu eirindiro ry’enyamaishwa erya Murchison Falls National Park.

Emotoka ei Owabaireho Omuny'ishengyero wa Erute North, Charles Angiro eyatunga butandu. PHOTO: Courtesy.

Omuny’ishengyero owa Otuke, Paul Omara yaahamya amakuru ag’okufa kwa Angiro kurabira aha mikula gwa Social Media.

Butandu egi yaabaho ahari shaaha 11 z’akasheeshe.

Omara naagira ngu Angiro yaaba naza omu disiturikiti eya Nebbi aha mukoro gw’okugaitwa arikwongyeraho ngu Pooriisi ekiriyo necondooza ekyarugiriraho butandu egi.

Twagyezaho kugamba n’omugambirizi wa Pooriisi ahabw’ekyanga ekya Aswa River, David Ongom Mudong, kwonka byaba ebyabusha ahabw’okuba ahitwaza kuhandiikira amakuru, esimu ze ezirikumanywa zaba zitaruho.

#WestUpdates