Owa UPDF aitsire omuntu omwe, yahutaaza babiri omu baara.

N’ebya Jeff Andrew Lule 

KAJJANSI

Pooriisi omuri Kajjansi ekwataniise n’ebindi bitongore by’okwerinda eriyo nehiiga omuserukare wa UPDF ahabw’okuteera amasasi akaita omuntu omwe. 

Eki kibaireho Orwakabiri ebiro 19/12/2023.

Bwanyima y’okugiraho obuteikirizana omu baara aharuguuto orwa Entebbe, Omuserukare omwanyirwe nka; Johnson Odong, orikumanywa munonga nka Chemonges, nagambwa kuba ayigwire orutaro aha bantu 5 omwe akafeeraho kandi abandi babiri batungire obuhuta.

Nikigambwa ng uku abaire ariyo naanywa amaarwa n’abandi, yaatunga obuteikirizana na John Omani ahanshonga y’okushashura eby’okunywa ebi babaire bariyo nibanywa.

Luke Owoyesigyire, Omuhwezi w’omugambirizi wa Pooriisi ya Kampala n’emyanya egiheeriire agambiire abanyamakuru ebiro 20/12/2023 omu ofiisi ye omuri Kampala ngu Omani acwiiremu kuza omu mwanya ogundi ogwa Rebecca Nakimuli.

Beitu Odong, obaire nakuma gamwe aha maka g’omuri Akright Estate, amukurateire n’embundi, nikwo kumuteera amasasi akafeeraho akagaruka akahutaaza n’abandi bantu 2.

Owoyesigyire naagira ngu okucondooza omu nshonga egi kuriyo nikugyenda omu maisho hamwe n’okuhiiga omuserukare ogu okibuzire.

#WestUpdates