Orikuteekateekwaho kurya omuntu okwatsirwe omuri Kyenjojo.
Pooriisi egiire omu maka ga nyakuteekateekwaho oahi bashangire omutwe gw’omuntu, amagufa n’emyenda eteekateekirwe kuba eri ey’omukazi owabuzire.
Omugambirizi wa Pooriisi ahabwa Rwenzori West, Vincent Twesigye arikugambaho n'abanyamakuru. Photo by Jonan Tusingwire.
N’ebya Omushaki weitu
KYENJOJO
Pooriisi omuri Kyenjojo eriyo necondooza ekikorwa ekirikuteekateekwa kuba kiri eky’obwitsi n'okurya abantu bwanyima y'ebicweka by'omubiri gw'omuntu kushangwa omu maka ga nyakuteekateekwaho omu tauni kanso eya Kyarusozi.
Ekikorwa eki kizire kumanywa aharwamukaaga ebiro 02.05.2026 bwanyima y’abatuura kuhababa okubura kw'omukazi w’emyaka 35, Lukia Karungo omazire okwezi n’ekicweka atarikurebuka.
Pooriisi egiire omu maka ga nyakuteekateekwaho owabaire ari omukundwa we (Lukia Karungo), Richard Mwesige a.k.a Baby Nasolo ahi bashangire omutwe gw’omuntu, amagufa n’emyenda eteekateekirwe kuba eri ey’omukazi owabuzire.
Omugambirizi wa Pooriisi ahabw’ekyanga ekya Rwenzori West, Vincent Twesige nagira ngu nyakuteekateekwaho akwatsirwe kandi ebisigarira by’omugyenzi bitwirwe omukabafu hamwe n’okukyebera DNA obwo okucondooza kurikugyenda omu maisho.
#WestUpdates