Omwishiki oitsire ‘boyfriend’ we akwatsirwe omuri Mbale.

N’ebya Omushaki weitu

MBALE

Pooriisi omu rurembo orwa Mbale ekwatsire omukazi ahabw’okugira akakwate n’okucumita omwojo munywani we (boyfriend) akamwita.

Jonathan Wanambwa, obaire namanywa munonga nka MC w’omu mabaara omuri Mbale nagambwa kuba acumitsirwe omwishiki munywani we, Geraldine Namono bwanyima y’okumushanga aine omwishiki ondaijo omunju amutaayaayise.

Nikigambwa ngu Wanambwa abaire aherize kutaayaayisa Namono nikwo kweta omwishiki ondaijo omanyirwe nka Sonia Hellya kumutaayaayira.

Okwija kwa Sonia kunyigize Namono nikwo kutandika kutongana na boyfriend we (Wanambwa) obwa hati ori omugyenzi.

Wanambwa ashabire Namono kumurugira omunju nikwo Namono kukwata omusyo akagucumita boyfriend we aha maraka.

Wanambwa afiire arikutwarwa ah’eirwariro erya Mbale. Baariraanwa babaasize kukwata Namono nikwo kumuhayo aha Pooriisi.

#WestUpdates