Omwe yafeera omuri butandu aharwa Fort-Portal kuza Kampala.
Eki kyareetera abatuura kwesharinga bakakinga oruguuto barikwetomboita ahabw’ebiina ebiri omu nguuto egi. Emotoka egi yaaba erimu abantu 2 kandi dureeva waayo yarugamu yabura kandi ondiijo yafeeraho.
Emotoka ya FUSO etomiire ekiina omunguuto eya Fort-Portal kuza Kampala ekekunamura omuntu omwe akafeeraho. Photos by Phillip Murangira.
N’ebya Phillip Murangira
KYEGEGWA
Omuntu omwe otamanywa maziina ari omu myaka ya 30 yafeera omuri butandu bwanyima y’emotoka ya FUSO ehandiikirwe omu namba ya UBD 134E kugwa aha nguuto eya Fortpotal kuza Kampala.
Emotoka egi n’eya kampuni eya JIKO kandi yaaba eyekoriire engano erikuruga Kampala erikuza Fort-Portal.
Nikigambwa ngu butandu egi yabaho omu bwire bwa shaaha 3 z'akasheeshe omu kyaro kya Katente omu tauni kanso ya Kyegegwa aha nguuto ya Fortpotal - Kampala.
Abayereebera nagaabo nibagira ngu butandu egi yarugirira aha kiina ekiri ahagati y'enguuto eki omuvugi wa FUSO yateera atakimanyire nikwo emotoka kwekunamura.
Eki kyareetera abatuura kwesharinga bakakinga oruguuto barikwetomboita ahabw’ebiina ebiri omu nguuto egi. Emotoka egi yaaba erimu abantu 2 kandi dureeva waayo yarugamu yabura kandi ondiijo yafeeraho.
Abatuura bakinga oruguuto orwa Fort-Portal kuza Kampaka ahari Katente ahabw'ebiina ebiri omunguuto egi.
Ismeal Rutangi, Ceeyamaani w’abavugi ba taxi omu disiturikiti eya Kyegegwa yaashaba ekitongore ky’enguuto omu eihanga erya UNRA okukora aha nshonga y’ebiiba ebiri omunguuto egi.
Ebiina ebiri omuruguuto orwa Fort-Portal ahari Katente ebirugiiriremu na butandu y'emotoka ahi omuntu omwe afeerireho.
Pooriisi yahika aha mwanya kandi omutumbi yagutwara omu kabafu ah’eirwariro erya Kyegegwa kukyeberwa.
#WestUpdates