Omushomesa yaafa n’abeegi baatunga obuhuta obu baasi yaabo yatomerana n’egaari y’omwika.

N’ebya Omushaki weitu

MUKONO

Omushomesa yaafa kandi abeegi baingi baatunga obuhuta bwanyima ya baasi eyaaba erimu abeegi b’eisheomero erya Mwebaze High School, Kakiri okutomerana n’egaari y’omwika omu disiturikiti eya Mukono.

Butandu egi yaabaho shaaha nka 12:45 z’akasheeshe omu kyaro ekya Namumira–Bukasa omu gomborora eya Nakisunga aha ruguuto orwa Katosi, Okurugirira aha mugambirizi wa Pooriisi ya Kampala n’emyanya egiheeriire, Racheal Kawala.

Kawala nagira ngu abaatunga obuhuta bairukangizibwa ah’eirwariro erihango erya Mukono hamwe n’omu marwariro agandi agari haihi okutunga okuragurirwa.

Omushomesa yaafa n’abeegi baatunga obuhuta obu baasi yaabo yatomerana n’egaari y’omwika.

Allan Ssempebwa, Omugambirizi wa minisiture y’eby’ahanguuto nagira ngu bayoheereza tiimu aha mwanya kucondooza bakamanya ekyarugiriraho butandu egi.

Omugambirizi w’ekitongore ekya Uganda Railway Corporation, John Ssengendo najumirira omuvugi wa baasi okugambwa kuba yaremwa kukuratira ebiragiro by’okwemerera egaari y’omwika yaaba nerabaho arikukyoreka ngu okucondooza okwahikireho nikworeka ngu omuvugi wa baasi yataahira omu muhanda gw’egaari y’omwika ekyarugiriramu butandu.

#WestUpdates