Amakuru
Omushaija obaire nayenda kwitisa omukazi we grenade akwatsirwe omuri Buhweju.
Omuhwezi wa RDC wa Buhweju nashoborora ngu omukazi obaire ayemeriire omu maisho g’enju yaabo abaasize kuhunzya agye kandi tihaine buhuta bwona obu atungire.
Omushaija obaire nayenda kwitisa omukazi we grenade akwatsirwe omuri Buhweju.
By: NewVision Reporter, Journalist @NewVision
N’ebya Omushaki weitu
BUHWEJU
Pooriiisi omu disiturikiti eya Buhweju eine omu kihome kyayo omushaija orikugambwa kuba ateire omukazi we ‘grenade’ arikwenda kumwita.
Godfrey Tumwebaze, omuhwezi wa RDC wa Buhweju nagira ngu akagwe aka kabaire omu kyaro ekya Kyankanda omu gomborora eya Rwengwe kandi nyakuteekateekwaho amanyirweho erya Twijukye ryonka.
Tumwebaze nashoborora ngu omukazi obaire ayemeriire omu maisho g’enju yaabo abaasize kuhunzya agye kandi tihaine buhuta bwona obu atungire.
Nikigambwa ngu ‘grenade’ egi ekareetwa omuka ishe wa Twijukye owafiire owaakozireho omu mahe ga UPDF kandi akejumbira omu rutaro rwa Kony.
#WestUpdates