Omushaija akwatsirwe ahabw’okufera ahabashomesa miriyooni 30

N’ebya Omushaki Waitu

Arua:

Pooriisi omu disiturikiti ya Arua ekwatsire omushaija orikugambwa kuba yafezire ahabashomesa b’eishomero erya Logiri Girls S.S miriyooni 30.
 
Victor Adame Aja, 43, nagambwa kuba yaagire ah’eishomero eri arikweyeeta omukozi kuruga omu ofiisi ya Minisita w’obwegyese obw’ahaiguru n’ekigyendererwa ky’okuhandika abashomesa b’okuta aharukarara rw’abashomesa b’okushashurwa Gavumenti.

Ogu nagambwa kuba yaashabire abashomesa 31 buri omwe miriyooni 1 obwo arikubaragaanisa kubahandiika aharukarara oru.

Beitu mukuru w’eishomero eri, Lillian Apio Tako naagira ngu Adame akaija ah’eishomero ryaabo Okwamwenda omwaka oguhwaire kandi kwiha obwo akaihaho esiimu ze bwanyima y’okutunga sente.

Adame aizire yaakwatirwa omuri Entebbe aharwakataano kandi agarirwe omu disturikiti ya Arua kugarukamu emishango y’obufere.

#WestUpdates