Omushaija aitsire mutaahi we ahabw’enyama omuri Rubirizi.
Nikigambwa ngu Tumwebaze agizire obuteikirizana n’ondaijo omushaija obu babaire nibabagana enyama ya Eid.
Nikigambwa ngu Tumwebaze agizire obuteikirizana n’ondaijo omushaija obu babaire nibabagana enyama ya Eid. PHOTO by Bruno Mugizi.
N’ebya Bruno Mugizi
RUBIRIZI
Pooriisi omu disiturikiti eya Rubirizi eriyo necondooza ekikorwa ky’okuteetakekwa kuba kiri eky’okwita omushaija w’emyaka 50 bwanyima y’okugira obuteikirizana aha kubagana enyama ya Eid.
Joachim Tumwebaze kuruga omu kyaro ekya Mubanda omu gomborora eya Ryeru nagambwa kuba acumitsirwe akaitwa omu kiro ky’orwakana orw'ebiro 28.05.2026.
Nikigambwa ngu Tumwebaze agizire obuteikirizana n’ondaijo omushaija obu babaire nibabagana enyama ya Eid.
Obuteikirizana obu burugiriiremu okurwana ekireteire habaho okucumitana emisyo.
Nyakuteekateekwaho aburize amaisho yaheza kukora ekikorwa eki.
Tumwebaze airukangiziibwe ah’eirwariro erya Rubirizi Medical Care ahi aizire kufeerwa yaheza kuhikibwaho.
Omugambirizi wa Pooriisi ahabw’ekyanga ekya Bushenyi empango, Apollo Tayebwa nagira ngu okucondooza omunshonga egi kuriyo nikugyenda omu maisho.
#WestUpdates