Omushaija ahaire baana be 4 obutwa, 3 bafeeraho omuri Kikuube.
Abafiire bamanyirwe nka Solomon Asaba, P.5, Wilson Asinguza, P.1 kandi owa kashatu tamanyirwe maziina. Omwana owa kana oriyo naragurirwa amanyirwe nka Happy Atugonza.
Julius Allan Hakiza, Omugambirizi wa Pooriisi ahabw’ekyanga ekya Mwitanzigye ahamize amakuru aga.
By NewVision Reporter
Journalists @NewVision
N’ebya Omushaki weitu
KIKUUBE
Abaana bashatu bahamiibwe kuba bafiire n’ondaijo wa kana ari omu mbeera mbi bwanyima y’eishebo kugambwa kuba abahaire obutwa omu disiturikiti ya Kikuube.
Omu mwabazyo gw’orwamukaaga ebiro 02.08.2025, okutiina, ekyekango n’okucuramiirirwa bishwekire abatuura b’omu kyaro kya Ngogoma omu muruka ogwa Kinogozi omu disiturikiti ya Kikuube bwanyima y’omushaija w’emyaka 45 omanyirwe nka Wilson Kiiza kugambwa kuba ahaire abaana be 4 obutwa ahabw’enshonga ezitakamanyirwe.
Abaana babiri bahamibwe kuba bafiire baheza kuhikibwa ah’eirwariro erihango erya Hoima orwamukaaga kandi omwana owa kashatu afiire aha Sande. Omwana owa kana ariyo naatunga okuragurirwa kandi akiri omu mbeera mbi.
Ishebo nawe ariyo naragurirwa bwanyima y’okunywa aha butwa obu ahaire abaana be. Abaana aba boona n’abeegi b’eishomero erya Hoima Public School.
Abafiire bamanyirwe nka Solomon Asaba, P.5, Wilson Asinguza, P.1 kandi owa kashatu tamanyirwe maziina. Omwana owa kana oriyo naragurirwa amanyirwe nka Happy Atugonza.
Julius Allan Hakiza, Omugambirizi wa Pooriisi ahabw’ekyanga ekya Mwitanzigye ahamize amakuru aga.
Hakiza nagira ngu okucondooza okwahikireho nikworeka ngu omushaija ogu abaire aherize kutaana n’omukazi we ameezi nka 6 agahingwire.
Nayongyeraho ngu okucondooza kuriyo nikugyenda omu maisho kumanya ekirugiriireho omushaija ogu okuheereza abaana be obutwa.
#WestUpdates