Omushaija acweriirwe kukomwa amagara gye goona ahabw’okutoroboza omuhara.

N’ebya Omushaki weitu

GOMBA

Kooti enkuru ecweriire omushaija okukomwa amagara gye goona ahabw’okusingisibwa omushango gw’okutooroza omuhara w’emyaka 14.

Omuramuzi Deepa Verma asingise Godfrey Mulika omushango ogu bwanyima y’okweyikiririza ngu akatoroboiza omuhara nikwo kumucwera okukomwa amagara gye goona omu kihome.

Kooti ehuriire ngu ahagati y’omwaka gwa 2022 hamwe n’okwezi kwa kabiri, 2025 omu kyaro ekya Nkware omu tauni kanso ya Kanoni omu disiturikiti eya Gomba, Mulika akakora ekikorwa ky’obwinazi yabyama n’omuhara w’emyaka 14 nikwo kumuturiza akakooko ka simu.

Ku abaire namuheereza ekifubiro, Omuramuzi Verma agizire ngu Mulika akakora ekikorwa kitari ky’obuntu na munonga kushanga ngu akakikora aha mwana we ou arikwezaarira.

Omuramuzi agizire ngu obujurizi oburetsirwe omu kooti nibwomesereza Mulika okuba yakozire ekikorwa eki. 

Omuramuzi Verma agizire ngu n’eky’okushwazana kushanga ngu omuzaire owakubaire yabaire narinda omwana we ebikorwa nk’ebyo niwe w’enyini owateire omwana ogu omukabi akamusiga n’akakooko ka siriimu nikwo kumucwera okukomwa amagara gye goona.

#WestUpdates