Omushaho yakwatwa na ARVs z’enyibano za shiringi 100,000
Abaire naagishereka omu 'latrine'
Emwe ahamibazi ei aba National Drug Authority baashanga na Nsamba Swamadu. PHOTO: Fatuma Nagudi
Omushaho yakwatwa na ARVs z’enyibano za shiringi 100,000
Nagudi Fatumah, Kassanda
Ab’ekitongore ekirikujunaanizibwa ahamutindo gw’emibazi omu ihanga ekya National Drug Authority (NDA) bakwataniise n’ab’eby’okwerinda baakwata omushaho ahari Kasanda Health Center 4, ayibire emibazi agisherekire omuri kamina.
Owakwatwa ni Nsamba Swamadu kandi ogu naakora nka ‘nursing assistant’ ah’irwariro eri.
Swamadu Nsamba owaakwatwa n'emibazi y'enyibano. PHOTO: Fatuma Nagudi
Ogu yaakwatwa bwanyima y’ab’ekitongore okukora okucondooza ahabushuma bw’emibazi ya gavumenti kandi bakakora potoro ei baamukwatiramu.
Emibazi ei yaashangwa ayibire erimu emibazi ya ARVs erikwingana shiringi 100,000, Aspirin erikuhisya shiringi 15,000 n’obwoma oburikukyebera siriimu burikwingana 400.
Abiaz Rwamwiri, omugambirizi wa National Drug Authority naagira ngu owaakwatwa hati arindiirwe aha poorisi kandi hoona naija kutwarwa omukooti Makindye ajunaanwe kurugiirira ahabiragiro
#WestUpdates