Omukozi w’omu fakitore ya Kinyara sugar factory afiire- Masindi.
Okurugiirira ahaberebire nagabo, omugyenzi aku agiire kwimuka yakwatwa ekyoma ekimuteire aha mutwe. Ogu aizire kufa ahabw’obuhuta obu atungire, Pooriisi eitsirwe beitu eky’obusaasi bashangire yaafiire.
Omugambirizi wa Pooriisi ahabw’ekyanga ekya Albertine, Julius Hakiiza, naagira ngu omugyenzi abaire nakora nk’orikweyerera aha fakitore egi. Photo by Peter Abaanabasazi.
N’ebya Peter Abaanabasazi
MASINDI
Pooriisi omu kyanga ekya Albertine eriyo necondooza nk’oku omushaija w’emyaka 18 afiiremu aha fakitore ya shukaari eya Kinyara sugar factory omuri Masindi Munisiparite.
Omugyenzi amanyirwe nka; Christopher ow’omu kyaro ekya Kabarye omuri Kibwona woodi omu Divijoni ya Karujubu omuri Masindi Munisiparite.
Omugambirizi wa Pooriisi ahabw’ekyanga ekya Albertine, Julius Hakiiza, naagira ngu omugyenzi abaire nakora nk’orikweyerera aha fakitore egi.
Nakyoreka ngu eki kibaireho Orwakataaho shaaha 2 z’akasheeshe obu omugyenzi abaire ariyo nayoora ebishushu by’ebikoijo n’okusimuura ebyoma.
Okurugiirira ahaberebire nagabo, omugyenzi aku agiire kwimuka yakwatwa ekyoma ekimuteire aha mutwe. Ogu aizire kufa ahabw’obuhuta obu atungire, Pooriisi eitsirwe beitu eky’obusaasi bashangire yaafiire.
Hakiiza naagira ngu okucondooza omu nshonga egi kuriyo nikugyenda omu maisho kumanya ky’enyini ekibaireho.
Eldon Walukamba, Omukuru aha fakitore egi naagira ngu omugyenzi afiire yaheza kuhikibwa ah’eirwariro erya Masindi Hospital momenta ahu abaire atwirwe kutunga okuragurirwa.
Nayongyeraho ngu helmet ei abaire ajwire ahamutwe ehonzirwe ekyoma yacwanyagurika.
Walukamba naagira ngu fakitore netamu amaani kureeba ngu yaarinda abakozi baayo.
#WestUpdates