Omubiri gw’omweegi owaabuziibweho aba ADF gwashangwa DR Congo

Omubiri gw’omweegi owaabuziibweho aba ADF gwashangwa DR Congo 
                                                                                                                                        N’ebya Jeff Andrew Lule

Omubiri gw’omweegi w’omwishiki obaire abuzire ah’eishomero erya Mpondwe-Lhubiriha omuri Kasese gwashangwa omu eihanga erya DR Congo.

Fred Enanga, Omugambirizi wa pooriisi y’eihanga naagira ngu omubiri gw’omweegi ogu guzoirwe amahe ga UPDF omukikwekweto kyabo kandi gushangirwe gurikujunda.

Omweegi ogu amanyirwe nka Amina Rashid Biira, 17 omwishiki wenka obaire abuzire kwiha abahekyera ba ADF bataahirira eishomero eri ekiro ky’orwakataano ahabiro 16/6/2023.

Abahekyera ba ADF bakataahirira eishomero rya Mpondwe-Lhubiriha baita abeegi 37 n’abandi batuura. Aba bakotsya oburaaro bw’abeegi b’aboojo haafeeramu abaana 17.

Eki kikagyemesereza gavumenti kukyebera DNA y’emibiri egi kumanya bakama baayo.

#WestUpdates