Omu Pooriisi ateire ceeyamaani w’ekyaro amasasi agamwitiireho omuri Sironko.

N’ebya Omushaki weitu

SIRONKO

Pooriisi omu disiturikiti eya Sironko ekwatsire omu Pooriisi waayo orikugambwa kuba ateire amasasi ceeyamaani w’ekyaro agamwitireho. 

Ekikorwa eki kibaireho omu muhigo gw’okurwanisa abashuma abarikugambwa kuba babaire nibiiba ‘culverts’ ahamwanya ogw’oruguuto oruriyo nirukorwa.

Omugyenzi amanyirwe nka; Sam Magumba 34, obaire ari ceeyamaani w’ekyaro ekya Kigokye omuri Southern Ward omu tauni kanso eya Mutufu. 

Omugambirizi wa Pooriisi ahabw’ekyanga ekya Elgon, Rogers Taitika nagira ngu okuteera amasasi kubaireho obu aba Pooriisi babaire baizire kurwanisa abarikuteekateekwaho kuba abashuma ba ‘culverts’ aha ruguuto orwa Budadiri - Namagumba oruriyo nirukorwa kampuni eya Shandong Company.

Omu Pooriisi omanyirwe nka, Nashir Chemonges- orikukorera ahari Mutufu police station nagambwa kuba ateire amasasi omu bantu abarikugambwa kuba bashangirwe nibasindika ‘culverts’ 2 bwanyima y’abantu abo okutiinisiriza aba Pooriisi aba n’emihoro oteireho n’okubateera amabaare.

Taitika nagira ngu okucondooza omu nshonga egi nikugumizamu.

#WestUpdates