Amakuru
Obwinazi omuri Kagongo; Emotoka ya Ceeyamaani eyokiibwe
Pooriisi omuri Ibanda eriyo necondooza oku emotoka ya Innocent Sunday arikwebembera ekibiina ekya NRM omuri Kagongo eyokibwemu
Obwinazi omuri Kagongo; Emotoka ya Ceeyamaani eyokiibwe...(Photo by Timothy Mushabe)
By: NewVision Reporter, Journalist @NewVision
N’ebya Timothy Mushabe
IBANDA:
Pooriisi omuri Ibanda eyebembeirwe omuduumizi SSP Paul Katwesigye eriyo necondooza oku emotoka ya Innocent Sunday arikwebembera ekibiina ekya NRM omuri Kagongo eyokibwemu burikusheesha eriizooba, Sunday, 25.1.2026.
Emotoka eyokiibwe n’ekiika ekya Raum namba UAU 186D kandi eki kibaire ahakyaro ekya Mahega II omuri Kyeikucu waadi.
Okurugiirira ahari Sunday Innocent, eki kibaireho shaaha mushanju z’ekiro kandi abainazi babandize batambika amabaare ahanju ye batyo nikwo kwotsya emotoka ye.
Ebi byoona nabyegyekyerera emparana z’obutegyeki.
RDC wa district ya Ibanda, Godfrey Mbetegyereize yajumirira ekikorwa eki kandi yashaba pooriisi okuta amaani omukucondooza kureeba ngu akozire ekihagaro eki yakwatwa.
#WestUpdates