Mukaaga batunga obuhuta omu butandu ya baasi – Mbarara City
Abantu mukaaga akasheeshe aka batunga obuhuta bw’amaani bwanyima ya butandu eyaaba ahagati ya baasi na pickup ahanguuto eya Mbarara-Ntungamo haihi n’orutindo orwa Ngaro-Mwenda omu rurembo rwa Mbarara.
Baasi ya Gateway eyatomera erikutwarwa aha pooriisi...By Adolf Ayoreka
Mukaaga batunga obuhuta omu butandu ya baasi – Mbarara City
N’ebya Adolf Ayoreka
Abantu mukaaga akasheeshe aka batunga obuhuta bw’amaani bwanyima ya butandu eyaaba ahagati ya baasi na pickup ahanguuto eya Mbarara-Ntungamo haihi n’orutindo orwa Ngaro-Mwenda omu rurembo rwa Mbarara.
Baasi ya kampuni eya Gateway namba UAU 398M yatomerana na Toyota Hilux pickup namba UAT 892T ahamuhanda ogwa Rwebikoona.
Omugambirizi wa pooriisi ey’ekyanga ekya Rwizi, Samson Kasasira yaagira ngu abahutara bamanywa nka Abdu Musabyimana, 54, omutuura wa Rubaga, Kampala owaaba navuga baasi, Amos Ngoma, 37, omutuura wa Nyarubuye omu disiturikiti ya Kisoro, Sikito Orunera, 26, empungi kuruga Burundi na Buto Rogers, 29, empungi kuruga Congo omuri Nakivale.
Abandi harimu Atangimana Sheron, 35, omutuura wa Wabigalo omuri Kampala na Irene Nakamya, 28.
Aba bayirukangizibwa omu eirwariro erya Mbarara Regional Referral kuragurizibwa.
Kasasira yaagira owaaba navuga pickup otamanywa ebiri kumukwataho yaaba naruga Rwebikoona nikwo kutahira eryo omunguuto akatomerana na baasi eyaaba neruga orubaju orwa Kabale.
Pooriisi yaahika ahamwanya ogu kandi emotoka zombie zatwarwa aha pooriiisi enkuru eya Mbarara obwo okucondooza kurikugumizamu.
#WestUpdates