Gavumenti eyemeriize okutambuza n’okuguza amatungo omuri Sheema ahabwa kooti.

N’ebya Bruno Mugizi

SHEEMA

Minisiture y’eby’obuhingi, oburiisa n’obujubi eteireho Quarantine yaahonaho omu disiturikiti eya Sheema bwanyima y’okubarukaho endwara ya kooto omuri Kashozi division omu Munisiparite ya Sheema.

Encwamu egi neyemereza okushubura amatungo goona kandi egyemeseriize okukingwaho kw’emyanya y’okubagiramu hamwe n’emyanya y’okugurizamu enyama yoona omuri Sheema.

Wiiki ehwaire, abantu 6 baafiire bwanyima y’okugambwa kuba bariire enyama y’ente erikuteekateekwaho okuba eitsirwe endwara ya kooto omu kyaro ekya Nshungyezi omuri Kashozi Division, Sheema.

Abandi bantu 9 abarikuteekatekwaho kuba bariire ahanyama egyo bahairwe ekitanda ah’eirwariro erihango erya Mulago obwo bari omu mbeera mbi kutunga okuragurirwa kw’omutaano.

Omu baruha ei ahandikiire Diisi wa Sheema, komishona w'eby'amatungo omu minisiture y’eby’obuhingi n’oburiisa, Dr Anna Rose Adenum aragiire kuhabaho okwemererza okutambuza ente, embuzi, entama, empunu hamwe n’enyama y’amatungo ago kuruga omunda n’aheeru ya disiturikiti.

Sam Orikunda, omuhwezi wa RDC ahabwa Sheema ayaakiire encwamu ya minisiture ey’okwemereza amatungo arikugira ngu neija kuhwera disiturikiti omu kurwanisa endwara ya kooto.

#WestUpdates