Gavumenti eteireho eshaaha z’okwigura amabaara n’emyanya y’okugarizamu.

N’ebya Omushaki weitu

KAMPALA

Gavumenti eiteireho eshaaha z’okwigura amabaara n’emyanya y’okugurizamu amaarwa n’ah’okunywera amaarwa omu eihanga nk’omuringo gw’okurinda abaana, okuhwera abantu kukora emirimo n’okugaruza emicwe omu byanga.

Minisita wa gavumenti z’ebyanga, Balaam Barugahara nagira ngu amabaara n’emyanya y’okugurizamu amaarwa bishemereire kwigura bwanyima ya shaaha 9 z’eihangwa aha mazooba g’okukora.

 
Ebi biri omu baruha ye ey’ebiro 11.08.2026 erikuza owaba ceeyamaani ba disiturikiti, ba meeya b’endembo na ba sipiika erikworeka engyenderwaho za gavumenti z’ebyanga okubamu amazima, okumaraho obwakireretsi omubyanga n’okukyendeeza ahakuguza amarwa n’okuzaana zaara na wakareeba.

Balaam nagira ngu amabaara agarahende ekiragiro eki neija kukingwa.

Minisita hoona aragiire bakama b’amabaara, bakama b’amaduuka n’abarikukora omu myanya y’okushuuburiramu amaarwa, abarikuguza amaarwa abantu abatakahikize emyaka 18 okukwatwa batwarwe omu mbuga z’ebiragiro.

Abeebembezi omu byanga nibashabwa okwebembera ehururu y’okumaraho abantu okunywa amaarwa omushaaha z’akasheeshe omu eihanga.

#WestUpdates