Gachagua owa Kenya nagira ngu habaire hariho orukwe rw’okumwitira omukanisa.
Atahiire buhame, Gachagua najunaana owabaire ari mukama we, Purezidenti William Ruto ahabw’okuragira aba Pooriisi be kukora okutaahirira oku.
Atahiire buhame, Gachagua najunaana owabaire ari mukama we, Purezidenti William Ruto ahabw’okuragira aba Pooriisi be kukora okutaahirira oku. Courtesy Photo.
Omug’aheeru;
KENYA
Omunyabutegyeki mukuru ow’orubaju orurikuhabura gavumenti omuri Kenya, Rigathi Gachagua nagira ngu habaire hariho orukwe rw’okwenda kumwitira omu kushaba kwa Sande omukanisa.
Gachagua, owabingirwe ahabw’omuhwezi wa Purezidenti omu mwaka gwa 2024 nagira ngu guruupu yaaba Pooriisi babaire beizire kutaahirira ekanisa omuri Othaya rwagati y’eishaza erya Nyeri obwo barikukoresa omwika gw’okuriza amaisho n’okuteera amasasi g’omu mwanya.
Atahiire buhame, Gachagua najunaana owabaire ari mukama we, Purezidenti William Ruto ahabw’okuragira aba Pooriisi be kukora okutaahirira oku.
Ruto tihaine kiyagambire aha nshonga egi beitu minisita w’enshonga z’omunda, Kipchumba Mukomen ajumiriire okutahiirira oku arikugira ngu tikurikwikirizibwa.
Pooriisi negira ngu etandiikire kucondooza erikwongyeraho ngu tihaine muntu weena otungiire obuhuta omu kutahirira oku.
#WestUpdates