FDC etooraine orakwatire ekigombe ebendera omu ka Bukedea.

N’ebya Ivan Tsebeni

BUKEDEA

Ekigombe ky’eby’obutegyeki ekya FDC kyanjwire Sam Oita Odeke nk’omukwasi wakyo w’ebendera omu karuuru k’okugarukamu kutoorana ceeyamaani wa disiturikiti eya Bukedea.

Okurangiirira oku kukozirwe Purezidenti wa FDC, Eng. Patrick Oboi Amuriat.

Entebe egi ekasigaramu busha bwanyima y’okufa kwa ceeyamaani wa disiturikiti, Moses Olemukan omu kwezi kwa 12, 2022. Olemukan naagambwa kuba yaitsirwe endwara y’ekokoro kandi akaba amazire omwaka gumwe n’ekicweka aha ntebe egyo.

Okurugiirira ahari Amuriat, FDC neija kukoresa obwire bw’akaruuru kugaruzaho obukiiko bw’ekigombe n’okugonjora obutaikirizana oburi omu kigombe kureeba ngu babaasa kusinga akaruuru ka Bukedea. 

Amuriat naagira ngu ekigombe kiine obushagiki bw’amaani kuruga omu kyanga ekya Teso arikugira ngu FDC eine omugisha muhango gw’okusinga akaruuru aka.

Okurugiirira ahangyenderwaho y’akakiiko k’eby’oburuuru, abantu ba Bukedea nibaija kuteera akaruuru aka ebiro 14/06/2023 kutoorana ceeyamaani waabo wa disiturikiti.

Akakiiko nabwo nikaija kwijuza emyanya y’abakansara ab’omu magomborora eya Mukongoro, Kotiokot n’egomborora eya Bukedea. Entebe ezo zikasigaramu busha bwanyima yaba kansara 2 kurekura bakaza omu kukora emirimo ya gavumenti.

#WestUpdates