Abaishiki abarikushwerwa batahikire nibeyongyera - Kiruhura.
Jotham Taremwa, Owabaireho omugambirizi w’akakiiko k’eby’oburuuru ashabire okuba eky’okureeberaho kirungi omu kurwanisa okushweza abaana abakiri bato.
Rose Lilly Akkero niwe abaire ari omugyenyi mukuru arikurambura ebi eminyeeto omuri Kiruhura na Kazo babaasize kukoresa emikono aha mukoro gw'okukuza ekiro ky'omwana w'omwishiki. Photos by Eli Akiza.
By NewVision Reporter
Journalists @NewVision
N'ebya Eli Akiza
KIRUHURA
Omubaro gw'abaana b'abaishiki abarikushwerwa batahikire nigweyongyera omu disiturikiti eya Kiruhura hamwe na Kazo ekiretsireho okwerarikirira omu beebembezi.
Orwakashatu ebiro 11/10/203, disiturikiti eya Kiruhura hamwe n'eya Kazo begaitsire aha mahanga agandi omunsi yoona kukuza ekiro kikuru ky'omwana w'omwishiki ekirikujaguzibwa buri mwaka.
Okukuza ekiro ky'omwana w'omwishiki omuri Kiruhura na Kazo aharwakashatu ebiro 11/10/2023. Photo by Eli Akiza.
Emikoro y'ekiro kikuru ky'omwaka ogu ebaire eri ahansi y'omutwe gurikugira ngu okuta amaani omu bugabe bw'abaishiki, obwebembezi n'emiturire yaabo (invest in the girls rights, leadership and well-being).
Emikoro ekoriirwe omu tauni kanso eya Rushere kandi minista w'eihanga ow'emicwe n'emitwarize, Rose Lilly Akkero niwe abaire ari omugyenyi mukuru kandi ajwekiire Omuhwezi wa mukuru w'eihanga Maj.Jessica Alupo obaire ayesirwe nk'omugyenyi mukuru.
Minisita Akkero ashabire abazaire okuhindura aha miteekateekyere yaabo bakareka kushweza abaana bakiri bato nikwo kushaba abeebembezi okurwanisa omuze ogu.
Rose Lilly Akkero niwe abaire ari omugyenyi mukuru kandi ajwekiire Omuhwezi wa mukuru w'eihanga Maj.Jessica Alupo aha mukoro gw'okukuza ekiro ky'omwana w'omwishiki. Photos by Eli Akiza.
Omukoro ogu guhikirweho abandi beebembezi abarimu owabaireho minisita w'eihanga w'okureebuuza eby'entunguuka, Molly Kamukama kandi ashabire kuhabaho enkwatanisa ahagati y'abazaire, abeebembezi ba gavumenti, abanyadiini hamwe na boona abarikukwataho ahabwa nyensya nungi y'omwana w'omwishiki.
Jotham Taremwa, Owabaireho omugambirizi w’akakiiko k’eby’oburuuru ashabire okuba eky’okureeberaho kirungi omu kurwanisa okushweza abaana abakiri bato.
Jotham Taremwa, owabaireho omugambirizi w'akakiiko k'eby'oburuuru arikuhabura eminyeeto okwebembera omuranga gw'okurwanisa okushweza abaana bakiri bato.
Aba bahendiire barikutongozaho ehururu y'okurwanisa omuze gw'okushweza abaana bakiri bato kandi bakozire n'endagaano ei abeebembezi boona abahikirr aha mukoro ogu bateireho omukono.
#WestUpdates