Enkuba eitsire abantu 11 omuri Masindi omu bwire bwa wiiki.
Damalie Nachuha nagira ngu enkuba eteire emirundi 3 omuri Masindi ahagati y’okwezi kwa 7 n’okwa 8, 2025 ekirugiriiremu okufa kw’abantu 11 n’abandi bakatunga obuhuta.
Omuduumizi wa Pooriisi ahabw’ekyanga ekya Mwitanzigye, Damalie Nachuha nagira ngu enkuba eteire emirundi 3 omuri Masindi ahagati y’okwezi kwa 7 n’okwa 8, 2025 ekirugiriiremu okufa kw’abantu 11.
By NewVision Reporter
Journalists @NewVision
N’ebya Yosam Gucwaki
MASINDI
Abatuura b’omu disiturikiti ya Masindi nibatuura omu kutiina bwanyima y’enkuba eziteire omu kicweka eki kwita abantu 11 omu bwire bwa wiiki 3.
Omuduumizi wa Pooriisi ahabw’ekyanga ekya Mwitanzigye, Damalie Nachuha nagira ngu enkuba eteire emirundi 3 omuri Masindi ahagati y’okwezi kwa 7 n’okwa 8, 2025 ekirugiriiremu okufa kw’abantu 11 n’abandi bakatunga obuhuta.
Ahabiro 17.08.2025, David Gahweera, omutuura w’omu kyaro kya Nyakarongo omu gomborora eya Kimengo aitsirwe enkuba obu abaire ari omu musiri n’omukazi we bahingire.
Ahabiro 08.08.2025, enkuba ekateera omu katare ka Bombo-Kibibira Market omu gomborora ya Kiruli nikwo kwita abantu 5 n’abandi baingi bakatunga obuhuta.
Enkuba egi ekateera omunjura y’amaani eyagwire obu abatuura babaire begamire ahansi y’omuti omu katare ka Kibibira.
Okurugiirira ahabayerebiire n’agaabo, abantu baingi bakateerwa enkuba kandi omwana w’omwojo w’emyaka 11 akafeeraho.
Abandi bantu 3 bakafa ahabw’obuhuta obu baatungire obu babaire nibirukangizibwa ah’eirwariro erya Masindi kandi ondaijo omuntu akafa yaheza kuhikibwa ah’eirwariro.
Ahabiro 13.07.2025, abantu 4 ababaire nibombera omwata omu eishamba ry’ebikoijo omu gombororoa eya Kijunjubwa bakafa n’abandi 8 baatunga obuhuta. Abafiire bakamanywa nka; Olegirwth (20), Bright Tekakwo (22), Jodan (19) na Brian (18).
#WestUpdates