Ekyombeko kigwire kyaita 2- Lira.

N’ebya Hudson Apunyo & Patrick Okino

LIRA

Pooriisi yaahamya abakozi 2 b’emirimo eya rija-rija abafiire n’abandi 10 bakatunga obuhuta bwanyima y’ekyombeko kubagwera omu mwabazyo gw’orwakabiri.

Eki kibaire ahari Peacock Guest House omuri Senior Quarters, Omu rurembo orwa Lira.

Omugambirizi wa Pooriisi ahabw’ekyanga ekya North Kyoga, Patrick Jimmy Okema omu kihandiiko eki yashohoza eriizooba yaagira ngu abantu 2 nibo bahamiibwe kuba bafiire n’abandi 10 bakahutaara.

Okema naagira ngu abahutiire bairukangiziibwe ah’irwariro erihango erya Lira kutunga okuragurirwa kandi emitumbi y’abagyenzi eihirweyo yaatwarwa omu kabafu kukyeberwa ah’irwariro niryo rimwe.

Nayongyeraho ngu Pooriisi ya Lira eriyo necondooza nk’oku ekyombeko ekikiriyo nikyombekwa kigwiiremu.

Pooriisi yaagamba abafiire nka; Isaac Ilem na Justine Olel, 55, ababaire nibaheereza aha kyombeko eki kandi abatuura ba Startch Factory A omuri Lira City West Division.

Fx8v8wlwiaaay2n

Meeya w’orurembo orwa Lira, Sam Atul agambiire abanyamakuru ngu bariyo nibashwijuma ebihandiiko kureeba yaaba ab’obushoborozi omu rurembo baikiriize okwombekwa kw’ekyombeko eki.

#WestUpdates