Eishomero ery’abaana abaine oburema erya Ishekye riri kubi-Sheema

N’ebya Bruno Mugizi

SHEEMA

Obw’amashomero garikugumizamu n’okwakiira ahabwa taamu ya kashatu, bakuru b’eishomero ry’abaana abaine oburema aha mibiri yaabo erya Ishekye purayimare eririkushangwa omu divijoni ya Kabwohe omuri Sheema Munisiparite niboreka okutiina ahabw’ebibiina ebimwe kutandiika kwatagurika ekintu ekirikuta amagara g’abeegi omu kabi.

Eishomero erya Ishekye Purayimare omu divijoni ya Kabwohe omuri rikatandikwaho  gavumenti kubaasa kushomesa abaana abaine oburema aha mibiri yaabo.

Eishomero erya Ishekye Purayimare eririkushangwa omuri Kyagaju woodi, Sheema Munisiparite eririkushomesa abaana abaine oburema aha mibiri yaabo. Photo by Bruno Mugizi.

Omu kugambaho n’omunyamakuru weitu, Joy Kabatooro- mukuru w’eishomero eri akyorekire ngu kimwe aha byombeko byabo kitandikire kwatika ekintu ekirikuta amagara g’abaana aba omu kabi.

Obwahati nashaba gavumenti okwija ekabahwera ekabaasa kuhunduuza ebyombeko ebi.

Ziporah Tushemerirwe, Orikukurira eby’obwegyese omu Munisiparite ya Sheema nahamiza bakuru b’eishomero ngu nka munisiparite, nibaija kwombekaho ekyombeko ky’abeegi kushomeramu.

#WestUpdates