Eishomero erya St. Theresa Kisubi Girls School ryakwatwa omuriro.

N’ebya Simon Masaba    

WAKISO

Omuriro gwakwata oburaaro bw’abeegi b’abaishiki ab’eishomero erya St. Theresa Kisubi Girl’s School omu disiturikiti eya Wakiso nikwo kucwekyereza ebintu bingi omu kasheeshe k’eriizooba.

Omugambirizi wa Pooriisi ahabwa Kampala n’emyanya egiheriire, Patrick Onyango naagira ngu ekitongore kya Pooriisi ekirikuraaza omuriro kyatandika kucondooza ekyarugiiriraho omuriro ogu.

Omuriro ogu gwakwata oburaaro bw’abeegi ahari shaaha nka 12:30 z’akasheeshe k’eriizooba.

Okurugiirira ahari Onyango, omuriro ogu gwacwekyereza ebintu by’eishomero ebyabaririrwamu obukaikuru bwingi bw’esent omuri ebitabo by’abeegi.

Beitu eky’omugisha omurungi, aba Pooriisi b’ekitongore ekirikuraaza omuriro bahika ah’eishomero eri nikwo kugyezaho kuraaza omuriro okureeba tigwakwata oburaaro obundi. 

Onyango naagira ngu ekirungi, tihaine muntu weena owaafa nainga owahutaarira omu muriro ogu.

#WestUpdates