Ebya S.4 omu eihanga kutandika Orwokubanza, 16/10/2023
Abeegi ba S.4 omu eihanga ryoona nyekyakare n’abokutandika kubuzibwa obwo barikutandika na Geography Paper 1 na Geography Paper 2.
Biishopu Sheldon Mwesigwa ashabire abeegi ba S.4 abarikutandika UCE nyencakare...(Photo by Ram Edwin)
Ebya S.4 omu eihanga kutandika Orwokubanza, 16/10/2023
N’ebya Ram Edwin
Mbarara:
Abeegi ba S.4 omu eihanga barikweteebeekanisiza okubuziibwa kw’eihanga ryoona okuri kutandika nyencakare, abeegi b’eishomero rya Ntare School bashabirwe kandi bateebwaho emikono kibahwere okutandika kurungi ebigyezo.
Okushaba oku kukurirwa Biishopu w’obureeberezi obwa Ankole, Rt. Rev Dr. Sheldon Mwesigwa.
Ahamukoro ogu, Biishopu ajumiriire abeegi abarikwiba ebigyezo...(Photo by Edwin Ram)
Okushaba oku kuhikirweho abeebembezi b’ediini kuruga omu bureeberezi bwa Ankole obwo bebembeirwe Biishopu Rt Rev Dr Sheldon K Mwesigwa, abazaire hamwe n’abashomeire ah’eishomero eri.
Omukoro ogu gubaire gugyenderaire kutaho abeegi emikono hamwe n’okushabira abarikuza kukora ebigyezo by’eihanga ryoona ebya UCE ebirikutandika nyencakare.
Biishopu arikutaho emikono abeegi ahari Ntare...(Photo by Edwin Ram)
Biishopu Mwesigwa ajumiriire ekikorwa kya gamwe ah’amashomero agaguhindwire omuze okuzibira abeegi kwejumbira omukushaba n’okumanya Ruhanga ngu tikirungi, ekirugiraireho n’ebikorwa nk’okwesharinga omumashomero, n’endiijo mize mibi.
Hoona Biishopu ashabire abashomesa n’abeegi obutejumbira omu kwiba ebigyezo.
Bamwe ahabeegi abahikire ahamukoro gw'okushabira n'okuhayo aba S.4...(Photo by Edwin Ram)
Ntare ebiro ebihwaireekabinga abeegi ba S.6 boona bwanyima kandi mukuru weishomero eri Saul Rwampororo ahamize kubagarukire kwetebeekanisiza ebigyezo by’ahamuheeru ebiri kutandika omukwikumi na kumwe.
Abeegi ba S.4 omu eihanga ryoona nyekyakare n’abokutandika kubuzibwa obwo barikutandika na Geography Paper 1 na Geography Paper 2.
#WestUpdates