Don Nasser yayihwaho emishango y’okutoroboza n’okukusa abantu.
Omu mwaka gwa 2024, Don Nasser akateebwaho emishango y’okukoresa abaishiki abatakahikize emyaka 18 ebikorwa by’omubonano hamwe n’okukusa abantu omu kooti ya International Crimes Division.
Omuramuzi yayongyera yaragiira ngu Don Nasser agarukye aheebwe Shiringi 3,000,000 ezi yabaire ashashwire omu kooti ez’okumwemerera.
N’ebya Barbara Kabahumuza
KAMPALA
Mukuru w’abahababi ba gavumenti, Lino Anguzu yayiha emishango y’okutoroboza hamwe n’okukusa abantu aha mukyakaze w’omu rurembo Kampala, Nasser Nduhukire ou baingi barikumanya nka Don Nasser etwire nemujunaanwa.
Omu mwaka gwa 2024, Don Nasser akateebwaho emishango y’okukoresa abaishiki abatakahikize emyaka 18 ebikorwa by’omubonano hamwe n’okukusa abantu omu kooti ya International Crimes Division.
Beitu hoona, omukuhurira emishango egi eriizooba Orwakabiri (17.02.2026), ebaruha y’ebiro 04.02.2026 ey’okumwihaho emishango eyaaba eteirweho omukono mukuru w’abahababi ba gavumenti, Anguzu yashomerwa omuramuzi Andrew Bashaija ahi Anguzu yakyoreka ngu takyenda kukuratiriza emishango egi.
Mukuru w’abahababi ba gavumenti tarikuheereza enshonga ahabw’enki takyenda kugumizamu n’okuhurira emishango erikujunaanwa Don Nasser.
Abahababi nibagira ngu Don Nasser akiiha omwishiki w’emyaka 16 ahari Tagore Living Apartments omuri Kamwokya, Kampala aha ruguuto orwa Acacia Avenue nikwo kumutwara akamushereka omu maka gye omuri Kito Zone omuri Kira Divijoni kumara ebiro 4 (kuruga ebiro 23.05.2024 kuhisya ebiro 27.02.2024) obwo arikumukoresa ebikorwa by’omubonano.
Omuramuzi yayongyera yaragiira ngu Don Nasser agarukye aheebwe Shiringi 3,000,000 ezi yabaire ashashwire omu kooti ez’okumwemerera.
#WestUpdates