Besigye aragiirwe okuronda ba puriida be omu ba gavumenti abaruho.

N’ebya Omushaki weitu

KAMPALA

Kooti enkuru eragiire Col. Dr. Kizza Besigye hamwe na mutaahi we ou arikujanaanwa nawe, Hajji Obeid Lutale okutoorana ba puriida kuruga omuri ba puriida ba gavumenti nainga kitari ekyo, kooti ebarondere abarabatonganirire.

Okuragiira kwa kooti nikwijaho bwanyima ya Besigye okugambira kooti ngu aretsirwe omu kooti atetebeekaniise nikwo kwija ateine ba puriida be.

Besigye akaba agambiire kooti okubanza yaakora aha nshonga y’’okutunga ba purida be, okuhurira omushango gwe ogw’okurya omu eihanga rya orukwe ogu orikujunaanwa kutakagarukiremu.

Omunyabiragiro wa Besigye, Martha Karua aherize kugambirwa ku atarikwakiirwa omu Uganda kandi omunyabiragiro we ondaijo Erias Lukwago ari aha rumanda omu kihome kya Luzira aha mishango y’okuhunamira orukwe rw’okurya omu eihanga rye orukwe.

Omuramuri wa kooti enkuru Emmanuel Baguma aragiire nyampara wa kooti erikuhurikiza emanja empango okutebeekanisa orukarara rwaba puriida ba gavumenti abariho ahu abaratonganirire Kiiza Besigye na mutaahi we baararugye.

Omuramuzi hoona agizire ngu okurondera Besigye ba purida tikirikumuzibira okuronda abandi ab’aharubaju abaramutonganirire nkakyabaho bakaboneka.

Baguma ayongiireho ngu ababiri aba kubarayange kutoorana ba puriida kuruga omuri ba purida ba gavumenti abariho, nyampara wa kooti naija kubarondera ba puriida kwonka omushango gwabo gugumizemu nigutambura.

Okuhurira omushango ogu nikwija kugarukamu nyencakare orwakashatu ebiro 15.07.2026 shaaha itaano z’akasheeshe.

#WestUpdates