Bashatu bakwatsirwe ahabw’obushuma omuri Kisenyi
Pooriisi ekwatsire abantu bashatu abareebirwe omukatambi barikwiba omushaija ahaduuka emwe omuri Kisenyi, Kampala.
Rusoke Kituuma, Omugambirizi wa Pooriisi y'eihanga
N’ebya Omushaki Waitu
KAMPALA:
Pooriisi ekwatsire abantu bashatu abareebirwe omukatambi barikwiba omushaija ahaduuka emwe omuri Kisenyi, Kampala.
Akatambi aka akatweire nikajanjaara aha social media nikoreka ekikoosi barikukuratira omushaija ahari Ganda Shopping Mall batakamusikwireho enshaho ye.
Omugambirizi wa pooriisi y’eihanga, Rusoke Kituuma yahamya okukwatwa oku eriizooba agumize ngu piki ishatu zikwatsirwe.
Akatambi hoona nikoreka abashuma aba barikwejunisa ebirwaniso aharimu omuhoro kubinga omushaija ogu n’abakareebi.
Obwo n’abantu 3 omukihome, Rusoke naagira ngu bakiriyo nibahiiga abandi bantu 2 abarikujunaanwa okugira akakwate omumushango ogu.
Ekikwekweto eki nikimwe ahabikwekweto ebiriyo nibikorwa kurwanisa ebikoosi by’empenda biragiro abarikunyangaraza abantu omururembo orwa Kampala.