Bashatu baafa bwanyima y’eryato kutobera omu maizi aha Lake Victoria.
Abaafa tibakamanyirwe ebirikubakwataho kwonka n’omukazi hamwe n’abaana 2.
Abantu 4 babaasa kucungurwa kandi okuronda abandi abakibuzire kuriyo nikugyenda omu maisho.
N’ebya Omushaki weitu
MAYUGE
Abantu 3 bahamibwa kuba baafa n'abandi baingi bakibuzire bwanyima y'eryato kutobera omu maizi g'omunyanja ya Lake Victoria haihi n'omwaro ogwa Bugoto omu disiturikiti eya Mayuge.
Pooriisi neegira ngu eki kyabaho eriizooba Orwakashatu ebiro 18.03.2026 obw’abantu aba baaba nibatamburira aha maizi bari omuryato n’obu kitakamanyirwe ni bangahi abaaba bari aharyato eri.
Abaafa tibakamanyirwe ebirikubakwataho kwonka n’omukazi hamwe n’abaana 2.
Abantu 4 babaasa kucungurwa kandi okuronda abandi abakibuzire kuriyo nikugyenda omu maisho.
Tiimu ya Pooriisi kuruga ahari Mayuge Central Police Station bateebwa ahanyanja egi kubaasa kukwatanisiza hamwe omukusherura abantu abakibuzire n’okumanya ekyarugiriraho okutobera kw’eryato eri.
Ab’obushoborozi nibagira ngu okucondooza kumanya ekyarugiriraho butandu egi kuriyo nikugyenda omu maisho n’okumanya ebirikukwata aha bagyenzi.
#WestUpdates