Babiri bakwatsirwe ahabw’okugambwa kuba baitsire Diana Skyz.
Pooriisi ekwatsire omukuumi w'omwanya ogu Diana Skyz abaire natuuraho bwanyima y’okushangwa n’ebintu bya Diana ebirikuteekateekwa kuba biri eby’enyibano.
Diana Skyz, oshangirwe aitsirwe omuri Kyanja, Kampala. PHOTO: Courtesy
N’ebya Charles Etukuri
KAMPALA
Pooriisi ekwatsire abantu babiri abarikuteekateekwaho kuba baine akakwate n’okufa kw’omukyakaze kandi tiktoker, Diana Namulindwa orikumanywa nka Diana Skyz omuri Kyanja, Kampala.
Luke Owoyesigyire, Omuhwezi w’omugambirizi wa Pooriisi ahabwa Kampala n’emyanya egiheeriire nagira ngu bakwatsire abantu babiri abarikuteekateekwaho kuba baine akakwate n’okwitwa kwa Diana Skyz.
Nagira ngu Pooriisi ya Kira Road eriyo necondooza omushango gw’obushuma hamwe n’okwita kurabira omukuniganiga.
Ekikorwa ky’obwinazi eki kibaireho omu kiro ky’ebiro 03.02.2026 omuri Kwaata Zone omu wood ya Kyanjao muri Kampala.
Owoyesigyire nagira ngu Namulindwa, 24 obaire ori omushuubuzi-kazi kandi okizire kumanyirwa munonga aha TikTok natuura wenka omu nju omuri Kyanja.
"Omutumbi gwa Diana Skyz gureebirwe ebiro 04.02.2026 bwanyima y’abanywani be kuza kumureebaho kandi bashangire ahu orikutuura higwire,” Owoyesigyire arikushoborora.
Pooriisi ekwatsire omukumi orikukuma aha mwanya ogu Diana Skyz abaire natuuraho bwanyima y’okushangwa n’ebintu ebirikuteekateekwa kuba biri eby’enyibano.
Okurugirira ahari Owoyesigyire, bimwe omu bintu ebi omukumi ogwo ashangirwe nabyo bishangirwe biri eby’omugyenzi.
Tiimu y’abacondooza bahikire aha mwanya nikwo kurundaana obujurizi hamwe n’ebizibiti kuhweraho Pooriisio mu kucondooza kwayo.
"Abantu bashatu abarikuteekateekwaho baherize kumanywa kandi babiri nibo baherize kukwatwa kuhweraho Pooriisi omukucondooza kwayo okuriyo nikugyenda omu maisho,” Okurugiirira ahari Owoyesigyire.
"Omutumbi gw’omugyenzi gutwirwe omu kabafu ah’eirwariro erya KCCA Mulago City kwongyera kukyeberwa”.
#WestUpdates