Babiri bafeeriire omuri butandu- Nakasongora

N'ebya Omushaki weitu

NAKASONGOLA

Pooriisi omumwabazyo gw'orwamukaaga ehamize okufa kw'abantu 2 abafeeriire omuri butandu y'ahanguuto omu disiturikiti eya Nakasongola.

Sam Twineamaziima, Omugambirizi wa Pooriisi ahabw'ekyanga ekya Savannah naagira ngu Jackline Akello na Janet Ayebare batomiirwe dureeva obaire navugisa ekimama.

Naagira ngu babaire nibatambura aharuguuto omu muhanda oguhikire barikureeba ebyija omu maisho obu batomiirwe emotoka ebaire eri aha siipidi y'amaani aharwamukaaga shaaha nka 12 z'akasheeshe.

Okurugiirira ahari Pooriisi, Akello na Ayebare babaire bari abakozi ba kampuni y'enkoko omuri Luwero n'ebirikurugamu.

Twineamaziima naagamba Akello nk'obaire aine emyaka 25 kandi omutuura w'omu tauni kanso eya Kakooge omu disiturikiti eya Nakasongora.

Butandu egi ebaireho omu shaaha z'akasheeshe eriyo necondozibwaho ebaire omu kyaro kya Namunsaala zone, Kakooge tauni kanso.

Omuvugi w'emotoka etomiire eya Toyota Premio ehandikirwe omunamba ya UAM 538D naagambwa kuba asigireho motoka akabura.

Abakazi abatomiirwe babaire nibaruga Kakooge barikuza Nabulungi kukora.

Pooriisi ehikire ahamwanya nimwo kutwara emitumbi y'abagyenzi omu kabafu ah'irwariro erya Nakasongola kukyeberwa obwo okucondooza kurukigyenda omu maisho.

Emotoka etomiire nayo eyihirweho yatwarwa aha Pooriisi ya Katugo kukyeberwa.

#WestUpdates