Amakuru
Babiri bacweriirwe okwitwa ahabw’okwita mukuru w’ekika ky’entama Eng Bbosa.
Kooti ehuriire ngu obwitsi obu bukarugirira aha buteikirizana obwabaire butwireho ahabw’ebikwatiriine n’obwebembezi bw’ekika ky’ab’entama omuri Buganda.
Kooti acweriire Luggya Bbosa Tabula hamwe n’omutabani Noah Lujja okwitwa ahabw'okwikiriza kuba bayitsire mukuru w'ekika ky'ab'entama omuri Buganda. File photo.
By: NewVision Reporter, Journalist @NewVision
N’ebya Omushaki weitu
KAMPALA
Kooti enkuru omuri Kampala ecweriire abashaija babiri okwitwa bwanyima y’okwikiriza kuba baitsire mukuru w’ekika ky’ab’entama, Eng. Daniel Kakeeto Bbosa.
Omuramuzi wa kooti egi, David Matovu nyomwabazyo ebiro 14.08.2026 acweriire Luggya Bbosa Tabula hamwe n’omutabani Noah Lujja okwitwa arikugira engyeri ei bayitsiremu Eng Kakeeto Bbosa ekaba eri ey’obwinazi munonga kand eteekatekirwe.
Okuheebwa ekifubiro eki kwizireho bwanyima y’ababiri aba okwikiriza kuba baitsire Kakeeto Bbosa owateirwe amasasi ebiro 25.02.2024 obu yabaire arihakye kuhika aha geeti ’amaka gye omu kyaro ekya Lungujja Kitandwa, Rubaga division omuri Kampala.
Kooti ehuriire ngu obwitsi obu bukarugirira aha buteikirizana obwabaire butwireho ahabw’ebikwatiriine n’obwebembezi bw’ekika ky’ab’entama omu bwa kabaka bwa Buganda.
Ababiri aba batwire nibajunaanwa omushango gw’obwitsi na Ezra Mayanja, Harriet Nakiguki na Joseph Nakabale abayehakiine omushango ogu kandi aba bakiriyo nibahozesibwa aha mushango nigwo gumwe.
Aba batwire aha rumanda omu kihome kya Luzira kuruga ebiro 11.03.2024.
#WestUpdates