Ateirweho omushango ahabw’okwoheereza omukazi we kushambana n’abashaija abandi omuri Sweden.

Ag’aheeru

SWEDEN

Omutonganirizi wa gavumenti omu eihanga erya Sweden ateire omushango aha mushaija orikugambwa kuba yagurize omukazi we kuza omu byomubonano n'abashaija barikurenga 120. 

Omushaija ogu ateirweho omushango gw’okutuntuza omukazi hamwe n’okuhamba.

Omushaija ogu owemyaka 62 oyehakiine emishango egi akakwatwa ahamuheru gwokwezi kwa 10 omwaka oguhwaire bwanyima yomukazi we kumuhababira aha Pooriisi omuri bukizi bwa bumosho bwa Sweden.

Omushaija ogu atwire omu kihome kuruga obu akwatwa.

Ekihandiiko ekiriho emishango egi nikyoreka ngu omushaija ogu akata omukazi we aha ‘pressure’ kugyenda akaza kushambana n’abashaija ababaire baheereza omukazi ogu esente atyo akazitwarira omushaija we.

Omushaija ogu nagambwa kuba yabaire ata ebirango aha mikura ya kanyabwengye by’okumanyisa abashaija ahabuheereza bw'omukazi we omu by’omubonano, ataho enkiiko oteireho n’okuta omukazi we aha ‘pressure’ okuza omu bikorwa by’omubonano kurabira aha mikura eya kanyabwengye kwenda kushendashenda abashaija abandi.

Omu kwezi kwa Kabiri, 2026, ab'obushoborozi bakabaasa kumanya abashaija 120 abarikuteekateekwaho kuba babaire nibagura omukazi ogu kuza nawe omu bikorwa by’omubonano.

Ebikorwa ebi byona nibigambwa kuba byabireho ahagati y'ebiro 11.08.2022 hamwe nebiro 21.10.2025.

#WestUpdates