Ab’ebibira baatongoza obukiiko bw’abatuura, kureebuza emirimo

N’ebya Eli Akiza
Ekitongore ekirikujunaanwa aha bibira bya Gavumenti omu ihanga ekya National Forestry Authority baatongoza obukiiko oburabahwere kureebuuza emirimo y’ekitongore eki omu byanga.

Obukiiko obu buriho abatuura hamwe n’abeebembezi kuruga omu byanga ebirimu ebibira ekya Karinju hamwe na Kasyoha-Kitomi.

Okutongoza oku kwaba ahakitebe ekikuru ekya disiturikiti ya Bushenyi aha hoteeri ya Tuza.

Hatwireho ekyetaago na munonga aha kushugaanisa emirimo y’ekitongore kya National Forest Authority ekwatiraine n’okurinda ebibira omu byanga enshonga ahabw’enki bacweiremu kutaho obukiiko obu. 

Christopher Ebal, arikugambira ahakutongoza obukiiko bw'abarikurinda ebibira omuri Bushenyi eriizooba ebiro 22.08.2024

Abaatooranwa n’abaraabe nibajunaanizibwa aha bibira ekya karinju ekirikwatana na za disiturikiti nka Rubirizi, Bushenyi, hamwe na Mitooma hamwe n’aba Kasyoha-Kitomi ekirikwatana na Rubirizi, Ibanda, Buhweju na Bushenyi, kandi baashabwa okukora ogwabo.

Obukiiko obu omugasho gwabwo n’okushugaanisa abatuura hamwe n’ekitongore eki hamwe n’okuba eiraka ry’abantu abahereire ebibira ebi.
Obwa hati Uganda eine ebicweka 15.5 ahari 100 by’eitaka erishwekirwe ebibira ebirikwingana ‘hectares’ 2,988,000 by’obuhango.

#WestUpdates