Abashabaazi bafeeriire omuri butandu ebaire omuri Kassanda.

N’ebya Charles Etukuri

KASSANDA

Abashabaazi ababaire nibatamburira omuri taxi namba UBQ 154R aharuguuto orwa Mubende – Kampala bafiire bwanyima ya taxi egi kushengurana na baasi ya Link ehandikirwe omu namba ya UBE 535H.

Butandu egi ebaireho nyomwabazyo ebiro 08.02.2026 omu kyaro ekya Kyakatebe omu gomborora eya Myanzi omu disiturikiti eya Kassanda, Okurugirira aha kitongore ekya Uganda Red Cross Society (URCS).

Omugambirizi w’ekitongore ekya Uganda Red Cross Society, Irene Nakasiita ahamize amakuru aga arikugira ngu abashabaazi boona ababaire bari omu baasi tihaine ofiire kandi ababaire bari omu taxi boona bafeeriireho.

Ahitutungiire amakuru aga, tiimu y’ekitongore ekya URCS ebaire yahikire aha mwanya beitu omubaro gw’abashabaazi abafiire gubaire gutakamanyirwe.

Beitu hoona, omunyamakuru weitu abaasize kuteera ebishushani birikworeka bamwe omu bashabaazi ababaire bafeeriire omuntebe. 

Emitumbi y’abagyenzi eyihirweho yatwarwa omu kabafu ah’eirwariro erya Kiganda Health Centre IV kukyeberwa obwo okucondooza kurikugyenda omu maisho.

#WestUpdates