Abaserukare ba UPDF 54 nibo baitiirwe omu kutaahiirira omuri Somalia.

N’ebya Omushaki weitu

Lt.Col. Edward Nyororo, omuhwezi wa Brig. Gaetano Peter Omola, Omuduumizi w’amahe ga UPDF agari omuri Somalia n’omwe aha baserukare ba UPDF 54 abaitirwe omu kutaahiirira okukozirwe aha nkambi y’amahe omuri Bulo Mareer omu Ihanga erya Somalia. 

Okutaahiirira oku kukozirwe ebiro 26/05/2023.Purezidenti Yoweri Museveni- ori kamanda mukuru w’amahe arikugambaho n’abany’ishengyero ba NRM ahari Kyankwanzi nawe ahamize ngu ba kamanda 2 b’amahe abarimu Maj. Oluka ma Maj. Obbo ahabw’okugambwa kuba baragiire amahe kweheerera. Museveni agizire ngu aba bakwatsirwe kandi nibaija kutwarwa omu kooti y’ekinyamahe bajunaanwe. 

Akyorekire ngu ebiro bikye ebihingwire, amahe gabaasize kwegaruriza enkambi ya Buulo Mareer kuruga omu mikono y’abahekyera ba Al-Shabab.

Lt.Col. Nyororo n’omuserukare mukuru wa kabiri omu mahe kwitirwa omuri Somalia bwanyima y’okutaahirira okwakozirwe aha nkambi endiijo ey’amahe ga UPDF omuri Somalia ahi Lt. Col. Christopher Kaija yaitiirwe.

Purezidenti Museveni akihamisiriize ngu obushomankuzi oburi omu kitongore ky’amahe ga UPDF nibwo burugiirireho okutaahiirira oku.

#WestUpdates