Abantu barikurenga 5000 kwetaba omukiteerane kya Paasita Ezra Mugisha.

N’ebya Abdulkarim Ssengendo

KABURA, LYANTONDE

Abantu barikurenga 5,000 nibo barikuteekwateekwa kwetaba omu kiteerane kya Purification Family Altar Ministries International (BETHSAIDA).  

Ekiteerane eki ekirikuza kuba ah’eitambiro erya BETHSAIDA eririkushangwa omuri Kabare, Mpumudde omu eishaza erya Kabura omu disiturikiti ya Lyantonde kitebeekanisiibwe Paasita Ezra Mugisha.

Arikugambira oruteerane rw’abanyamakuru eizooba ry’orwakabiri ebiro 11.06.2024 ah’eitambiro eri, Pr. Mugisha ashoboroire ngu ekiteerane eki nikiza kwetabwamu abantu kuruga omudiini zoona n’ebyanga byoona omu eihanga.

Paasita Ezra Mugisha arikubuganaho abanyamakuru ah'eitambiro erya BETHSAIDA omuri Kabare, Kabura omu disiturikiti ya Lyantonde.

Naagira ngu abaheereza ba Mukama baheerize kuhamya kubarikuza kuba bariho.

Omu barikuza kuriisa abantu ekigambo kya mukama harimu Paasita Robert Kayanja owa Miracle Centre Cathedral, Paasita Tom Mugerwa owa Mutundwe Ministries n’abandi baingi.

Paasita Ezra Mugisha ahamisiririize abantu ngu eby’okwerinda nibaija kuba biri guruguru aha kiteerane eki kandi buri kimwe kyona kitebeekanisiibwe ahabw’abashabi abarayetabe omu kiteerane eki.

Pr.Mugisha akoriise omwanya ogu okuteerera omuranga abanya-Uganda kwongyera kuhurikiza engiri ya Purezident Yoweri Museveni ayokukora n’amaani babaasa kurwanisa obworo.

Omwe ahabanyamakuru, Nasaasira Emmanuel Magango arikugambaho omu rukiiko rw'abanyamakuru oruteebekanisiibwe Paasita Ezra Mugisha ahari BETHSAIDA omuri Kabare, Kabure omu disiturikiti ya Lyantonde.

Ogu hoana ahigire abanyamakuru okukoresa emikuru yaabo kutuguura abantu n’okubijusya ekigambo kya Mukama omuri okushaba n’okuhimbisa omu maramizo.

Pr. Mugisha asiimire enkwatanisa etandikireho ahagati y’abanyamakuru na Purification Family Altar Ministries International kandi araganiise kukwatanisa nabo kubaasa kutunguura ebyanga byabo.

#WestUpdates
#RadioWestAt25