Abantu 8 bafeereire omuri butandu aharwa Mbarara-Lyantonde

N'ebya Angella Naturinda

MBARARA:

Omunyamakuru wa kampuni eya Next-media, Julius Kitone n’omwe ahabantu 8 abafeereire omuri butandu aharwakatano nyomwabazyo, 13.2.2026 bwanyima ya takisi ei babaire barimu kutomerana busyo bwantama na rukurirana ahanguuto eya Mbarara-Lyantonde.

Samson Kasasira, Omugambirizi wa pooriisi ey’ekyanga ekya Rwizi nayegyekyerera butandu egi ahakuvugisa ekimama kwa driver wa takisi.

Whatsapp Image 2026 02 14 At 13.23.40

Ogu naagira ngu butandu egi ebaireho nka shaaha 12:30 z’akasheeshe omukyaro ekya Kibega 1, district eya Kiruhura ahagati y’emotoka eya takisi ya Toyota Hiace na rukurirana Mercedes-Benz Actros.

Boona abafiire babaire bari abashabazi omu takisi egi eya Toyota Hiace.

Omwe ahabatungire butandu airukangizibwe ah’eirwariro erya Mbarara Regional Referral kujanjaabwa.

Emibiri 4 ebaire ekwatiirwe omu takisi omwabazyo gw’orwakatano kandi police ebaire eriyo negyezaho kugihamu. Hoona tibakamanyire amaziina g’abafiire nebirikubakwataho.

Kasasira naagira ngu takisi ebaire neruga Mbarara erikuza Lyantonde obu driver agyerizeho kushara corner nikwo kutomerana busyo bwantama na rukurirana ebaire neretwa orubaju orundi.

Egi ni butandu yakabiri embi munonga omu wiiki emwe bwanyima ya butandu ebaire omu district eya Kassanda orwamukaaga oruhwaire ahafereiremu abantu 8.