Abantu 7 bakwatsirwe bwanyima y’okutahirira faamu ya Kadhi - Luwero

Abantu 7 bakwatsirwe bwanyima y’okutahirira faamu ya Kadhi - Luwero

N’ebya Eddie Ssejjoba

Pooriisi omu disiturikiti ya Luwero eine omukihome abantu 7 abaine akakwate n’obushuma n’okwotsya ebintu.

Abantu aba abarimu orikweyeta owa UPDF kandi abarikugambwa kuba baine embundu ya SMG erimu amasasi, pistol n’emihoro, nibagambwa kuba bataahiriire faamu ya Kadhi wa disiturikiti ya Luwero, Sheikh Mulindwa ahabiro 24/6/2023, nikwo bakatandika bakateera abantu abu bashangiremu.

Kurugiirira ahari pooriisi, abashaija aba bahuutarize abakozi 4; Lubega Muhammad, Kyagera Daniel, Kiviri Joseph na Kato Aminsi abacungwirwe bakatwarwa omu eirwariro erya Luwero bari omumbeera mbi.

Kurugiirira ahakihandiiko kuruga ow’omugambirizi wa pooriisi ey’ekyanga ekya Savannah, Sam Twiineamazima, okutaahirirwa oku kuhandiikirwe nk’emishango y’okwibisa embundu n’okwotsya ebintu.

Guruupu egi ebaire eyebembeirwe Mutyaba Alex, orikweyeterera okuba omuserukare wa UPDF. Aba babaire nibajunaana abakozi ba Kadhi okutaaha omu eitaka ryabo.

Aba hoona bagarukire bayotsya enju, bashiisha ebintu harimu n’embunzi ishatu kandi bayiba n’amasimu gaabo.

Manegya wa faamu egi, Muhammad Lubega amanyise pooriisi ehikire ahamwanya ogu nikwo kugambaho na bakareebi abamwe.

Bazoire emyenda ei barikuteekateeka ngu n’ey’abashuma aba kandi erikwija kukoresibwa nk’ebizibiti omu kucondooza kwa pooriisi.

#WestUpdates