Abantu 46 bafeereire omuri butandu za piki omu biro 7.

N’ebya Omushaki weitu

KAMPALA

Abantu barikurenga kimwe kya kabiri ky’abafeereire omuri butandu z’ahanguuto omu bwire bwa wiiki emwe, n’ababaire nibatamburira ahari za piki piki.

Rupoota eshohoziibwe ekitongore kya Pooriisi y’eby’ahanguuto neyoreka ngu aha bantu 86 abafeeriire omuri butandu z’ahanguuto wiiki ehwaire, abantu 46 n’abafeereire omuri butandu za piki.

Michael Kananura, Omugambirizi wa Pooriisi y’eby’ahanguuto naagira ngi abantu 32 ahabafeereire omuri butandu za piki babaire bari abavugi ba piki kandi 12 babaire bari abashabaazi.

Kananura naagira ngu za piki zikiri ekizibu ky’amaani ahabw’okuba niziita abantu baingi okukira ebiruka ebindi ebirikwejunisibwa ahanguuto.

Michael Kananura, Omugambirizi wa Pooriisi y’eby’ahanguuto arikugamba ahari butandu z'ahanguuto.

Nayongyeraho ngu nibeija kutandika kuta omunkora ebiragiro ebirikuragira abashabaazi boona b’ahari za piki okujwara za helment hamwe na reflectors jackets ahabw’okwenda kurinda amagara gaabo. 

Kananura naagira ngu eki nikiija n’okuhwera abavugi b’ebiruka abandi ahanguuto okurahuka kubareeba na munonga omu bwire bw’ekiro berinda obutabatomera n’okureetaho za butandu.

#WestUpdates
#RadioWestAt25