Abantu 14 bafeereire omuri butandu aharwa Kampala-Gulu omuri Omoro.

N’ebya Omushaki weitu

OMORO

Abantu 14 bafiire n’abandi barikurenga 40 baatunga obuhuta bw’amaani bwanyima ya baasi ya Opit okushengurana n’eki Lorry omu disiturikiti eya Omoro.

Butandu egi ebaireho omu kiro ekya busheesha eriizooba ahari Kulo-Otit omu gomborora eya Bobi aha ruguuto ny’eigyendwa orwa Kampala-Gulu. 

Butandu egi ebaire erimu baasi ya Opit hamwe n’emotoka ya Mercedes-Benz erikugambwa kuba ebaire neruga Juba omu eihanga erya South Sudan.

Pooriisi negira ngu okucondooza okwahikireho nikworeka ngu abavugi b’emotoka ezi babaire nibavuga sipiidi erengire erikugambwa kuba niyo erugiriire butandu egi.

Abavugi b’emotoka ezi babiri, omwe amanyirwe nka Abdul Ismail owa baasi hamwe n’emotoka ya Lorry otakamanyirwe mazina bafeeriireho.

Omugambirizi wa Pooriisi ahabw’ekyanga ekya Aswa River, David Ongom Mudong nagira ngu abatungire obuhuta bairukangiziibwe omu marwariro g’omuri Gulu kandi emitumbi y’abagyenzi etwirwe omu kabafu ah’eirwariro erihango erya Gulu kukyeberwa.

#WestUpdates