Amakuru
Abakozire gye PRE-PLE omuri Bushenyi baatunga ebiconco
PHOTO: Bruno Mugizi
By: NewVision Reporter, Journalist @NewVision
Bruno Mugizi, BUSHENYI
Omuny'ishengyero wa Igara East Micheal Mawanda yasiima abeegi b'ekibiina kya 7 abaherize kusinga ebibuuzo by'okwegyezamu (Pre-PLE) obwo barikuburayo ebiro bikye kushutamira ebya kamaririzo ebya PLE omuri Igara East kandi aba baaheebwa emifariso, hamwe n'eby'eshweko.
Omukoro ogu gwakurirwa ceyamaani w'entebbe ya 5 ahabwa Bushenyi Jaffari Basajjabalaba hamwe n'omuhwezi wa Micheal Mawanda omuby'obutegyeki Joshua Asingwire kandi gwakorerwa omutauni ya Rwentuha.
Joshua yasiima amashomero omuri Igara East ahabw'okwejumbira omukukora ebibuuzo ebyateirweho Mawanda kandi eki arikugira ngu kyongyeire okukora kurungi kw'abeegi omukyanga eki.
#WestUpdates