2 batsindikwa aharumanda ahabw’okwiba eza PDM
Omuramuzi wa kooti omuri Luwero yatsindika aharumanda tauni kiraaka n’ow’omuruka ahaby’okwiba n’okuryangatanisa sente za Gavumenti ahansi ya puroguraamu eya PDM.
2 batsindikwa aharumanda ahabw’okwiba eza PDM...(Photo by SHACU)
N’ebya Omushaki Waitu
Luwero:
Omuramuzi wa kooti omuri Luwero yatsindika aharumanda tauni kiraaka n’ow’omuruka ahaby’okwiba n’okuryangatanisa sente za Gavumenti ahansi ya puroguraamu eya PDM.
Winfred Nansinkombi, Tauni kiraaka wa tauni kanso eya Ndejje na Joseph Nsereko Male, tauni agenti wa woodi ya Buyego bakwatsirwe nyomwabazyo akakiiko ka State House akarikurwanisa obushomankuzi aka State House Anti-Corruption Unit.
Ababiri aba hamwe na James Noah Semayobe, Orikukurira eby’esente omu disiturikiti eya Luwero okibuzire, nibagambwa kuba bahandiikire abanyabuzaare baabo 19 kutunga sente za PDM obwo batarikutuura omukyanga eki.
Aba bakaija babaihaho sente, ekyareteire ba memba ba sacco abahikire obutatunga sente zaabo.
Aba batsindikwa aharumanda kuhitsya ebiro 27/7/2024.
#WestUpdates
#RadioWestAt25