AGABUUTIKIDDE FULL BULLETIN

Gibadde miranga na biwoobe enkuba eyatonnye mu kiro bwesudde ennyumba n’ekuba abaana basatu nebattiramu. Okugwa kw’ennyumba eno abatuuze bakutadde ku nzimba embi. Bino bibadde Nakigalala mu Kajjansi Town council ////////////////////////////////////////////////////////////// Sipiika nnaalongo Anita Annet Among alambuddeko omubaka wa Kawempe North Muhammad Ssegirinya ali mu kujjanjabibwa mu ddwaliro e Nsambya. Sipiika Among era akubirizza bannayuganda okwettanira amalwaliro gaakuno bafunye obujjanjabi obwetaagisa. /////////////////////////////////////////////////////////// Akulira ekitongole kya UNRA Allen Kagina alambudde ekitundu ky'oluguudo lw'e Hoima-Kyankwanzi-Kampala olwayonooneddwa amazzi g'omugga Kafu. Wadde ng’alambudde omulimu kyokka abantu bakozesa empaka okusala. //////////////////////////////////////////////////////////// Mu ngeri ey’okutaasa obutonde bwensi ab’ekitongole ekya NEMA bakoze ebikwekweto e Kyotera ne Rwampara gyebasaanyirizzaawo ebirime ebiwera. Abakulira obutonde bagamba nti baludde nga balabula abatuuze abo naye nga tebabawuliriza //////////////////////////////////////////////////////////// Minisita w’ensonga za Karamoja Mary Goretti Kitutu atangaazizza ku nsobi ezaakolebwa ekiviirako okuduumula emiwendo gy’ebbeeyi y’amafuta. Ono ategeezezza nti aliko n’alipoota gyeyakola ng’akyali mu minisitule y’abyamasannyalaze, n’obugagga obwensibo naye nti kirabika teyatuuka wa Pulezidenti. ///////////////////////////////////////////////// Akakiiko nga palamenti akavunanyizibwa ku mbalirira kalambudde omulimu gw’okuddaabiriza oluguudo lw’eggaali y’omukka oluva e Nammanve okudda e Kampala werutuuse kubanga emyezi omukaaga gyebasuubiza okumaliriza omulimu guno gisembedde. ///////////////////////////////////////////////////// Ttabamiruka w’olukiiko olw’oku ntikko (NEC) olw’ekibiina kya FDC agenda okumala ennaku ssatu etandise olwaleero ku Nabinoonya ResortBeach e Ntebbe. Agendereddemu okutereeza ebintu ebyenjawulo mu kibiina n’okubangula abakulembeze ku bintu ebyenjawulo naddala abo abakalondebwa. /////////////////////////////////////////////////////// Omulabirizi w’e Namirembe Wilberforce Kityo Luwalira akubirizza abasawo okukola n’obwesimbu baleme kuweereza ng’abataagala kuba ensi eno mwebaweerereza abantu bakoowu. Abadde akulembeddemu okutikkira abasomye obwa nnansi, obuzaalisa n’okukola mu lab ku ttendekero ly’abasawo e Mengo.

AGABUUTIKIDDE FULL BULLETIN