AGABUUTIKIDDE FULL BULLETIN

Abakulu mu kitongole ekivunanyizibwa ku bibira ekya National Forestry Authority kibaweddeko olw’okukizuula ng’ekibira kya Kumbu Forest ekisangibwa mu kibuga Masaka bwekyasalwamu zi PLOT nga zino ziriko n’ebyapa. Bano ensobi bagyitadde kuba offiisi z'ebyettaka abamala gakola ebyapa nga tebabebuuzizaako. ////////////////////////////////////////////////////////////// Gavumenti emalirizza enteekateeka ey’okulima ebinazi ku ttaka ery’e SANGO BAY mu disitulikiti ey’e Kyotera. Wabaddewo okussa emikono ku ndagaano wakati wa gavumenti ne kkampuni ya BIDCO ku wofiisi ya ssaabaminisita mu Kampala. ///////////////////////////////////////////////////////////// Abantu mu district ye Wakiso bali mu kattu olw’obutaba na ssente zikola nguudo. Abakulembeze bababuulidde mazima nti ssente tewali nga basaanidde okudda mu nkola ya bulungi bwansi okuzeetereereza. Enguudo okwonooneka bweziti kiddiridde enkuba etonnya nga mu kiseera kino amazzi gabbomodde luguudo olugatta District y’e Wakiso. ///////////////////////////////////////////////////////////// Ab’ekitongole ekivunaanyizibwa ku mutindo gw’eddagala mu ggwanga ki NDA bakutte omukozi mu kkampuni ya bus eya Friendly coaches oluvannyuma lwokusangibwa ne bokisi zeddagala lya gavumenti 13. Kitegeerekese nti libadde litwalibwa kutundibwa ku mulirwano e Congo ng’okusinga kubaddeko erijjanjaba omusujja n’eriweweeza akawuka akaleeta mukenenya. ///////////////////////////////////////////////////////////////// Abaali abayekera ba Lord's Resistance Army abawerera ddala 141 bebanunuddwa okuva mu okuva mu mwezi ogwomusanvu omwaka guno. Bano babadde bagyibwaayo mu Central African Republic mubibinja era ababawerera ddala 61 bebaleteddwa mu gwanga nga bano bagyidde ku nyonyi ya BAR aviation. ///////////////////////////////////////////////////////// Ab’ekitongole ky’ebibalo mu ggwanga aba UBOS balabudde abantu nti basaanye okwesiba ebbiri kuba ebbeeyi y’emmere n’ebikozesebwa erinnye. Mu bizze birinnya mulimu n’amafuta. Bino biri mu alipoota ekwata ku bbeeyi y’ebintu eya buli mwezi /////////////////////////////////////////////////////////////// Esigadde ennaku mbale omwoleso gw’ebyobusuubuzi e Lugogo gubeerewo okuva nga 3 omwezi ogujja mu kibangirizi kya bannamakolero e Lugogo. Aba Uganda manufacturers assosiciation bategeezezza nti enteekateeka zonna ziwedde. Omwoleso guno guvujjirirwa kampuni ya Vision Group. ///////////////////////////////////////////////////////////////////// Olwa leero Uganda yeegasse ku nsi yonna okujjukira olunaku lw’abalwadde b’emitima. Emikolo gibadde ku ddwaliro ekkulu e Mulago. Akulira eddwaliro ly’abemitima Dr John Omangino ayagala gavumenti esseewo enkola ewaliriza abazimba okussaawo ekifo asseewo webakolera dduyiro. //////////////////////////////////////////////////////////////////// Mu kanyomero kaffe aka kungula olwaleero ne bannaffe aba syova seeds, omukugu akubuulira engeri gy’osimbuliza emboga okuzijja mu mmerezo okuzizza mu nimiro ennene n’endabirira yaazo okutuuka okuzikungula.

AGABUUTIKIDDE FULL BULLETIN