AGABUUTIKIDDE FULL BULLETIN

Loodi mmeeya ssaalongo Erias Lukwago yeekandazze nava mu lukiiko oluyitiddwa ekitongole ki KCCA okusalira awamu amagezi engudo mu kibuga Kampala bweziyinza okuddaabirizibwamu n’okwawala amazzi aganjaala mu makubo. Lukwago asoose kulangira minister kyofatogabye ne bakontractor abaweebwa omulimu gwokuzimba engudo omulugube. Wabula ne minister kyoffa amwambalide namulangira obutayagala kukola nga amanyi kimu ntalo. ////////////////////////////////////////////////////////////// Ababaka abakiikirira ebitundu bya Kampala ebyenjawulo bavuddemu omwasi ku nsonga y’amataba agongera okugoya ebitundu bya Kampala ebyenjawulo buli nkuba lwetonnya. Bagamba wasaanidde okubaawo ekikolwabwa okulaba ng’emyaka gy’e kibuga gizibukulwa n’enguudo ezoonoonese ziddaabirizibwe. //////////////////////////////////////////////////////////////// Poliisi ekunguzza munnakibiina kya NUP Habibu Buwembo. Ono akwatiddwa oluvannyuma lw’abasirikale okutemezebwako nti abadde ateeseteese okutongoza kaweefube wookulwanirira bannakibiina abali mu makomera. Bamukwatiddwa Nalukolongo mu ggombolola y’e Lubaga ////////////////////////////////////////////////////////////////////// Abatuuze ku byalo bisatu e Rakai basattira lwakugobebwa ku ttaka. Bano baliko gwebalumiriza okubatunda era basabye bekikwatako okubayamba. ///////////////////////////////////////////////////////////////// Minisita Hilary Onek avunanyizibwa ku nsonga z’ababundabuda alabudde nti abanonyi bobubudamo boolekedde okufa enjala oluvanyuma lw’abagabirizi boobuyambi okusaala ku mmere gyebabadde babawa 30 kukikumi. Abyogeredde mu kutongoza olukiiko oluggya olusunsula abantu abeetaaga obubudamo olumanyiddwa Refugee Appeals Board. ///////////////////////////////////////////////////////////////////// Abaddukanya eddwaliro eddwaliro lya KCCA lya Kisenyi Health Center IV bali mu kusattira olw’omuwendo gwa balwadde ogweyongera buli lukya nga ate bikozesebwa bitono. Minisitule y’eby’obulamu eddukiridde n’ebikozesebwa mu kuzalisa abakyala. ////////////////////////////////////////////////////////////////////// Ebitongole bya Gavementi ebyaweebwa ettaka bisabiddwa okulifunira ebiwandiko ng’emu ku ngeri eyookumalawo ekibba ttaka n’enkaayana. Bino byogeddwa minister omubeezi owamayumba Princess Persis Namuganza mu lukiiko lwatuuzizza ku ministry y’ebyettaka mu Kampala okutawulula enkayana wakati wa family yomugenzi Yokoyasi n’essomero lya Kibuku ss. ////////////////////////////////////////////////////////////////////////// Minisita omubeezi ow’ebyobusuubuzi Harriet Ntabazi ategezeeza nti Uganda efunye omukisa okugaziya akatale k’ebirime n’ebyamaguzi ebirala ebiva mu Uganda okutundibwa mu ggwanga lya Algeria olw’akatale akapya akazuliddwa. Bino abyogeredde mu nsisinkano n’omubaka wa Algeria mu Uganda wano mu Kampala. /////////////////////////////////////////////////////////////////// Mu kanyomero gaffe kano aka kungula ne bannafe aba Syova seed oba East African seed company ltd, omulimisa omukugu Brian Mugagga akubuulira ku kirime ky’emboga ekimu ku by’osobola okussaamu ensimbi n’ofuna kiralu mu biseera bino ng’enkuba etonnya.

AGABUUTIKIDDE FULL BULLETIN