FAYINOLO z’empaka za Miss ne Mr. Bukedde, za ku Ssande eno nga March 31 ku Easter Sunday eno. Kino kigenda kubeera kivvulu kinyuvu nnyo era kitegekeddwa ku Wonder world e Kansanga.

Omu Ku Bakontanyi Rebecca Kusasira Ng'alinnya Emmotoka.

Abayimbi ab’amaanyi okuli King Saha, Kalore Kasita, Vinka, Tom Dee, Gasha Mutoni n’abalala bagenda kubaayo era okuyingira kwa 20,000/= ne 50,000/= zokka. Kuno kuliko ne bakazannyirizi abalala nga MC Mariach ne ba Merry Heart Tumbeetu abagenda okusanyusa abanajja.

Bo abakontanyi omusanvu abaatuuse ku fayinolo kuliko; Rebecca Kusaasira, Praise Wisdom, Godfrey Mukisa, Ketra Nansikombi, Vicent Bbosa Yusuf, Jovia Louis Nabakooza ne Victo Mukasa.

Abakontanyi Abaatuuse Ku Fayinolo Nga Essanyu Lijula Okubatta.

Bano baatwaliddwa ku woteeri ya The Forest Park Lweza mu ‘boot camp’ gye bagenda okumala wiiki nnamba nga bakubwako enfuufu.

Michael Kazinja, kalabaalaba w’abakontanyi mu boot camp, yannyonnyodde nti abakontanyi bali mu mbeera ebasobozesa okukola okwegezaamu okumala bagende okutuuka ku fayinolo nga bali bulungi era mu ‘boot camp’ bagenda kubeera nga bayambibwako aba bandi ya Vision Publisher.

Omu Ku Bakontanyi Nga Yaakatuuka Mu Boot Camp.

Abawanguzi Miss ne Mr Bukedde buli omu agenda kufuna agalabo okuli ekyapa ky’ettaka ne ssente 5,000,000/- ate abanaakwata eky’okubiri omuwala n’omulenzi buli omu afune 5,000,000/-.

Empaka z’omwaka guno ziwagiddwa aba Njovu Estates Developers e Nansana abaawaddeyo ebyapa by’ettaka eby’abawanguzi, kkampuni ya Sumz ekola obumpwakimpwaki ne Mariam fashions e Bwaise ssaako kkampuni y’ebizigo eya Movit.

Praise Wisdom Nga Yeegezaamu.

Fayinolo z’omulundi guno Bukedde yeegatiddwaako ssaabategesi Norbat Twizire owa Norbat Events okuzitegeka ng’ono yeebazizza Bukedde olw'okumuwa omukisa okutegeka ekivvulu kino.