Kawempe ne Uganda Martyrs zeesozze Semi Final mu gw’abakyala
Apr 26, 2021
TTIIMU ya Uganda Martyrs High School n’eya Kawempe Muslims WFC eziri mu kibinja ekisooka zeesozze oluzannya lwa semifinal mu mpaka za FUFA Women Super league eziyindira ku FUFA Technical Centre mu disitulikiti y’e Buikwe.
Kawempe ne Uganda Martyrs zeesozze Semi Final mu gw’abakyala
Emipiira egibadde gizannyibwa mu kibinja ekisooka gyakomekkerezeddwa n’emipiira ebiri egyazanyiddwa ku gumu ogwabadde ogwa Uganda Martyrs kwe yawangulidde Tooro Queens 2-1 ku kisaawe kya FUFA e Njeru n’ogwa Kampala Queens eyawangudde Makerere University WFC ggoolo 2-1 ku kisaawe ky’e Kakindu mu Jinja.
Immaculate Odalu (wakati) owa Kampala Queens nga agezaako okuteeba n'omutwe ku ggoolo y'aba Makerere University bwe babadde bazannya omupiira ku kisaawe ky'e Kakindu ku Lwomukaaga.
Spencer Nakacwa ne Anita Namata be baatebedde Uganda Martyrs ate Resty Kobusobozi n’ateebera Tooro Queens goolo emu. Ate Resty Nanziri ne Fauzia Najjemba aba Kampala Queens baatebedde tiimu yaabwe nga bazannya ne Makerere University. Newankubadde Makerere University yatebyeyo ggoolo emu, kino tekyagifunyisizza kabonero.Omuzanyi wa Kampala Queens (ku ddyo) ne Viola Namuddu (ku kkono) owa Makerere University nga bagoba omupiira bwe babadde bazannya omupiira ku kisaawe ky'e Kakindu ku Lwomukaaga.
Wadde Uganda Martyrs, Kawempe ne Kampala Queens birina obubonero 9 byonna, yo Kawempe Muslim esinzaako ttiimu zombi ggoolo ate eya Uganda Martyrs eri mu ky’okubiri n’esinzaako Kampala Queens eri mu ky’okusatu omugatte gwa ggoolo.
Yo Tooro Queens eri mu kifo kyakuna n’obubonero busatu mu kibinja A. Ku Lwokutaano, Kawempe yawangula Makerere University 1-0 okwesogga semi-finals.
No Comment